Azərbaycan, Bakı, 17 aprel /Trend, müxbir R.Hafizoğlu/
Türkiyənin cənub-qərbində yerləşən Antalya vilayətində Rixter cədvəli üzrə 4 bal gücündə zəlzələ baş verib. Trend-in məlumatına görə, bu barədə cümə axşamı Türkiyənin "Milliyyət" qəzeti xəbər yayıb.
Türkiyənin Boğaziçi Univeristetinin Kandilli rəsədxanasının və Seysmik Araşdırmalar İnstitutunun məlumatına görə, zəlzələ aprelin 17-də yerli vaxtla saat 02:49-da baş verib və yerli əhali arasında təşviş doğurub.
Zəlzələ ocağı beş kilometr dərinlikdə yerləşib.
İlkin məlumatlara görə, dağıntı və tələfat yoxdur.