Azərbaycan, Bakı, 28 aprel /Trend, müxbir T.Cəfərov/
İranın paytaxtı Tehranda sərnişin avtobusu aşıb. Hadisə zamanı 7 nəfər ölüb, 22 nəfər yaralanıb. Bunu Tehran şəhər təcili tibbi yardım xidmətinin sözçüsü Məhəmməd Abbasi deyib.
Trend-in İranın Fars xəbər agentliyinə istinadən verdiyi məlumata görə, hadisə bu gün səhər Azadeqan-Həkim xiyabanlarının kəsişməsində baş verib.
Məlumata əsasən, ölənlərdən 6-sı qadın, biri isə kişidir. Yaralılardan bir neçəsinin vəziyyəti ağırdır.
Hadisənin baş vermə səbəbləri araşdırılır.