Azərbaycan, Bakı, 19 iyun /Trend/
Göygöldə yol nəqliyyat hadisəsi nəticəsində iki nəfər xəsarət alıb.
Trend Kəpəz TV-yə istinadən xəbər verir ki, bu gün gecə saatlarında Göygöl rayon ərazisində iki nəfərin xəsarət alması ilə nəticələnən yol nəqliyyat hadisəsi baş verib. Belə ki, 24 yaşlı Gəncə şəhər sakini Ceyhun Əhmədov idarə etdiyi avtomobillə hərəkətdə olarkən idarəetməni itirərək yol kənarında səyyar satışla məşğul olan ticarət köşklərindən birinə girib.
Nəticədə sürücü və onun sərnişini Gəncə şəhər sakini 21 yaşlı Siyavənd Qalayev aldıqları bədən xəsarətləri ilə Gəncə şəhər TTYX-nın travmatologiya şöbəsinə yerləşdirilib. Hazırda xəstələrin vəziyyəti normal qiymətləndirilir.