Azərbaycan, Bakı, 11 sentyabr /Trend, müxbir İlkin İzzət/
Oğurlanmış dövlət qeydiyyat nişanları ilə avtomobil idarə edən Bakı sakini saxlanılıb.
Trend Daxili İşlər Nazirliyinin saytına istinadən xəbər verir ki, sentyabrın 8-də Heydər İbrahimova məxsus "Hyundai" markalı avtomobildən oğurlanmış dövlət qeydiyyat nişanları üzərində olan "Daevoo" markalı avtomobilin Bakı-Şamaxı yolunda hərəkətdə olması DİN-in Təhlükəsiz Şəhər Xidməti tərəfindən aşkar edilib və görülmüş tədbirlərlə Baş Dövlət Yol Polisi İdarəsi əməkdaşları tərəfindən saxlanılıb.
Avtomobilə baxış zamanı Lənkəran rayon sakini Fuad Tağıyevə məxsus "VAZ-21099" markalı avtomobilə məxsus dövlət qeydiyyat nişanları da aşkar edilib.
Avtomobili idarə edən Bakı şəhər sakini Adil Əhmədov araşdırmalar aparılması üçün Abşeron RPŞ-yə təhvil verilib.