Azərbaycan, Bakı, 9 dekabr /Trend, müxbir İlkin İzzət/
Cəlilabad rayon sakinindən narkotik vasitə və saxta əskinaslar aşkar edilərək götürülüb.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, Lənkəran Şəhər Rayon Polis Şöbəsi və Cəlilabad Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində Cəlilabad rayon sakini Elməddin Məmiyevin Lənkəran şəhərində kirayədə yaşadığı mənzilə baxış keçirilib.
Baxış zamanı mənzildən 0,9 qram tiryək, 67 ədəd 500 rublluq saxta əskinas və 1 ədəd avtomobil dövlət qeydiyyat nişanları aşkar edilərək götürülüb.