Azərbaycan, Bakı, 7 fevral /Trend, müxbir İlkin İzzət/
Keşmiş məhkum Bakı metrosunda oğurluq edib.
Bakı şəhər Baş Polis İdarəsinin (BŞBPİ) mətbuat xidmətindən Trend-ə verilən məlumata görə, fevralın 4-də saat 12:40 radələrində metronun "28 May" stansiyasında Bakı şəhər sakini Afi Aslanovanın cibindən mobil telefonu oğurlanıb.
Bakı şəhər Baş Polis İdarəsi Metropolitendə Polis Şöbəsinin Cinayət axtarış qrupu əməkdaşlarının keçirdiyi əməliyyat-axtarış tədbirləri nəticəsində oğurluğu törətməkdə şübhəli bilinən Sumqayıt şəhər sakini, 1983-cü il təvəllüdlü Rasim Nəcəfov tutulub.
Qeyd edək ki, R.Nəcəfov əvvəllər də məhkumluq həyatı yaşayıb.