Azərbaycan, Bakı, 5 may /Trend/
Gədəbəy sakinini Şəmkirdə ilan sancıb.
Trend Kəpəz TV-yə (Region TV) istinadən xəbər verir ki, ötən gün Şəmkirin Çeyrançöl ərazisində ilan sancması hadisəsi qeydə alınıb.
Gədəbəy rayonunun Düzyurd kənd sakini 42 yaşlı Mahirə İsgəndərovanı yaylaqda ilan vurub. Qadın dərhal Şəmkir Mərkəzi Rayon Xəstəxanasının reanimasiya şöbəsinə yerləşdirilib.
Hazırda həkim nəzarətində olan Mahirə İsgəndərovanın vəziyyəti ağır qiymətləndirilir. Xəstənin həyatını təhlükədən xilas etmək üçün təcili və təxirəsalınmaz tədbirlər davam etdirilir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
