Azərbaycan, Bakı, 14 iyul /Trend, müxbir İlkin İzzət/
Lənkəran rayon sakini bankda saxta əskinasları dəyişdirmək istəyərkən saxlanılıb.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, iyulun 13-də "Kapital" bankın Lənkəran rayon filialına gəlmiş Tutapeşdə kənd sakini Zülfiyyə Əliyeva 2 ədəd saxta 50 manatlıq əskinası dəyişdirmək istəyərkən Lənkəran Rayon Mühafizə Şöbəsinin əməkdaşı tərəfindən saxlanılıb.
Faktla bağlı araşdırma aparılır.