Bakı. Trend:
Qobuda evdə yanğın olub.
Trend Fövqəladə Hallar Nazirliyinin saytına istinadən məlumat verir ki, Abşeron rayonu, Qobu qəsəbəsində vətəndaşa məxsus ümumi sahəsi 100 kv.m olan birmərtəbəli 3 otaqlı evin mətbəxində 2 kv.m sahədə döşəmə yanıb.
Yanğının kəşfiyyatı zamanı 1969-cu il təvəllüdlü Quliyev Təhməz Təbriz oğlunun yanmış cəsədi aşkar edilib.
Evin qalan hissəsi yanğından mühafizə olunub. Yanğın saat 18:14-də yanğınsöndürənlər tərəfindən söndürülüb.