...

Məhbus gizlətdiyi narkotiki könüllü təhvil verdi (FOTO)

Hadisə Materials 18 May 2016 20:31 (UTC +04:00)
Faktla bağlı Xəzər rayon Polis İdarəsinin İstintaq şöbəsi tərəfindən araşdırma aparılır.
Məhbus gizlətdiyi narkotiki könüllü təhvil verdi (FOTO)

Bakı. Trend:

Ədliyyə Nazirliyi Penitensiar Xidmət əməkdaşlarının keçirdiyi əməliyyat tədbirləri nəticəsində 1988-ci il təvəllüdlü, Azərbaycan Respublikası Cinayət Məcəlləsinin 234.1-ci maddəsi ilə təqsirli bilinərək həbs edilmiş, 3 saylı İstintaq təcridxanasında saxlanılan Sədəfi Məhəmməd Nehmətulla oğlu Bakı şəhəri, Xəzər rayonu, Binə qəsəbəsi, Hövsan südçülük sovxozu ünvanında gizlətdiyi narkotik vasitəni könüllü olaraq təhvil verməyə razı olduğunu bildirib.

Xidmətin İctimaiyyətlə əlaqələr şöbəsindən Trend-ə verilən məlumata görə, alınmış məlumat əsasında 17.05.2016-cı il tarixdə Xəzər rayon Polis İdarəsinin və təcridxananın əməliyyat aparatının əməkdaşları tərəfindən yuxarıda göstərilən ünvanda soyuducunun altında gizlədilmiş, 0,5 qram narkotik vasitə - heroin aşkar edilərək götürülüb.

Faktla bağlı Xəzər rayon Polis İdarəsinin İstintaq şöbəsi tərəfindən araşdırma aparılır.

Məqalədə:
Xəbər lenti

Xəbər lenti