Bakı. Trend:
Gəncədə ağır yol qəzası baş verib.
Trend Kəpəz TV-yə (Region TV) istinadən xəbər verir ki, hadisə Gəncə-Göygöl yolunun Qızılqaya qəsəbəsi ərazisindən keçən hissəsində baş verib.
“İsuzu” markalı yük maşını “VAZ 2107” ilə toqquşub. Zərbənin təsirindən yük avtomobili yol kənarına aşıb. Qəza nəticəsində VAZ-ın sürücüsü və dörd sərnişini müxtəlif dərəcəli xəsarət alıblar. İlkin ehtimala görə, qəza ötmə əməliyyatının düzgün yerinə yetirilməməsi səbəbindən baş verib.
“VAZ 2107”nin sürücüsü Əli Bağırov günahın onda olmadığını bildirib: “Biz yanacaqdoldurma məntəqəsindən çıxdıq. 40-50 km/saat sürətlə gedirdik. Birdən yük maşını digər yoldan bizim qabağımıza çıxdı. Ötmə etmək istəyirdi. Nə qədər çəkdik, olmadı. Hadisə baş verdi”.
Faktla bağlı araşdırma aparılır.
Gəncədə ağır yol qəzası baş verib
Gəncədə ağır yol qəzası baş verib.
