Bakı. Samir Əli - Trend:
Bakı Ağır Cinayətlər Məhkəməsində qətldə təqsirləndirilən Ağaməli Kərimovun cinayət işi üzrə məhkəmə prosesi başlayıb.
Trend-in məlumatına görə, hakim Mahmud Ağalarovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib və məhkəmənin baxış iclası aprelin 17-nə təyin edilib.
İttihama görə, ötən il oktyabrın 5-də Bakı şəhəri, Suraxanı rayonunun Hövsan qəsəbəsində, qəsəbə sakini A.Kərimov evində münaqişə zəminində qardaşı Ədil Kərimovu bıçaqla qətlə yetirib.