...

İmişlidə oğurluq edən şəxslər saxlanılıb

Hadisə Materials 6 Avqust 2020 11:05 (UTC +04:00)
İmişlidə oğurluq edən şəxslər saxlanılıb

Bakı. Trend:

İmişli Rayon Polis Şöbəsinin əməkdaşları tərəfindən keçirilmiş tədbirlər nəticəsində rayon ərazisindəki məktəbdən və evlərin birindən oğurluq edən şəxslər saxlanılıb.

DİN-in Mətbuat Xidmətinin Bərdə regional qrupundan Trend-ə verilən məlumata görə, avqust ayında rayon ərazisində yerləşən məktəblərin birindən oğurluq edilməsi barədə RPŞ-yə müraciət daxil olub. Daxil olmuş müraciət əsasında keçirilmiş əməliyyat-axtarış tədbirləri nəticəsində oğurluğu törətməkdə şübhəli bilinən rayon sakini Musa Məlikov saxlanılıb. Araşdırmalarla onun 6 ədəd noutbik və 1 ədəd rəqəmsal televizor oğurladığı müəyyən edilib. Oğurlanmış əşyalar maddi sübut kimi götürülüb.

Bundan başqa keçirilmiş digər tədbirlərlə rayon ərazisindəki evlərin birindən oğurluq etməkdə şübhəli bilinən digər bir şəxs də saxlanılıb. Araşdırmalarla onun rayon sakini Əlişir Tağıyev olduğu müəyyən edilib. Ə. Tağıyevin 110 manat pul və 495 manat dəyərində 1 ədəd mobil telefon oğurladığı məlum olub. Saxlanılan şəxslər dindirilmə zamanı törətdiyi cinayət əməllərini etiraf edib.

Hər iki faktla bağlı İmişli RPŞ-də araşdırmalar davam etdirilir.

Məqalədə:
Xəbər lenti

Xəbər lenti