Beyləqan. Trend:
Beyləqanda su kanalında bədbəxt hadisə baş verib.
Trend-in Qarabağ bürosunun məlumatına görə, hadisə Yuxarı Qarabağ kanalının rayonun Görüş adlanan ərazisindən keçən hissəsində qeydə alınıb.
İlkin məlumata əsasən, kanala düşən şəxsin qadın olduğu bildirilir. Hadisə ilə bağlı aidiyyəti qurumlara məlumat verilib.
Hazırda qadının tapılması istiqamətində tədbirlər görülür və hadisənin digər təfərrüatları araşdırılır.
