Azərbaycan, Bakı, 16 iyul /Trend/
"Habbl" orbital teleskopu Neptun planetinin ətrafında dövran edən yeni peyk aşkar edib, Trend-in RİA Novosti agentliyinə istinadən verdiyi məlumata görə, bu barədə NASA-nın rəsmi saytı bildirib.
NASA mütəxəssislərinin məlumatına görə, S/ 2004 N 1 peykinin diametri təxminən 19 kilometr təşkil edir, beləliklə bu Neptunun ən kiçik peykidir.
Peykin xırda ölçülərinə görə, astronomlar uzun müddət onu aşkar edə bilməyiblər, hətta 1989-cu ildə Neptunun yaxınlığından keçən Voyadjer-2 kosmik aparatı onu planetin sistemində tapa bilməyib.