Azərbaycan, Bərdə / Trend müxbir Ş.Cəliloğlu/ Bu gün saat 11 :30 radələrində Ermənistan Silahlı Qüvvələri Azərbaycanın işğal altında olan ərazilərində yenidən hərbi təlimlərə başlayıblar. Cəbhəyanı kənd sakinlərinin verdiyi məlumata görə, təlimlər Ağdam rayonunun işğal altında olan Uzuntərə adlanan ərazisində baş tutub. Ermənistan ordusunun bölmələri təlimlərdə ağır artilleriyadan və hərbi aviasiyadan da istifadə edib. Hazırda təlimlər davam edir, ərazidə güclü partlayış səsləri eşidilir.