Azərbaycan, Bakı, 12 mart / Trend , A.İsmayılova/ Britaniya jurnalisti, Ermənistan və Azərbaycan münaqişəsinə həsr olunmuş "Qara bağ"kitabının müəllifi Tomas de Vaal Qarabağla bağlı yeni layihə üzərində işləyir. Bu barədə Trend a Vaal özü məlumat verib.
O, il ərzində Böyük Britaniyanın maliyyə dəstəyilə Qarabağ münaqişəsinin hazırki vəziyyəti üzrə strateji analiz və gələcək üçün proqnozlar hazırlayacaq.
"Qara bağ" kitabı dörd dildə (ingilis, rus, azərbaycan və erməni dilləri) nəşr edilib. Müəllif hər iki tərəfdən tənqidə məruz qalıb.
Vaal deyib ki, bu onun Qarabağ üzrə son işi olacaq. Jurnalist öz araşdırmalarını Qara dəniz bölgəsində (Ukrayna, Türkiyə) davam etdirmək niyyətindədir.
Rusiya hakimiyyəti Vaala viza verməkdən imtina edir. Ekspertlər ehtimal edirlər ki, bunun səbəbi jurnalistin Çeçenistan hadisələri ilə bağlı nəşrləri və Əhməd Zakayevin ekstradisiyası məsələsində ifadə verməsidir. Vaal uzun müddət Rusiyanın cənubunda işləyib. Onun araşdırmalırının yekunu "Çeçenistan.Qafqazdakı faciə" dir.
Vaal Rüsiya hakiməiyyəti ilə münaqişəni özü üçün professional problem hesab edir.
"Mən Qara dəniz rayonuna yönələcəyəm. Orada araşdırmalar üçün bir çox maraqlı məsələlər var" - Britaniya jurnalisti deyib.
