ABŞ, Vaşinqton, 09 oktyabr / Trend , N.Boqdanova/
Regionda təhlükəzilik məsələlərini nəzərə alaraq Azərbaycan ilk növbədə Dağlıq Qarabağ münaqişəsini həll etməlidir, ABŞ-ın Azərbaycanda ilk səfiri Robert Finn belə hesab edir.
"Düşünürəm ki, Azərbaycan irəliləyir və ölkə ilk növbədə Dağlıq Qarabağ münaqişəsini həll etməlidir", - Trend -a Finn bildirib.
Onun sözlərinə əsasən, əsas vəzifələrdən biri bir milyon qaçqının öz torpaqlarına qaytarılmasıdır.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik 7 rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk Qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.