Azərbaycan, Bakı, 14 sentyabr /Trend, müxbir M.Əliyev/
Ermənistan silahlı qüvvələrinin bölmələri sentyabrın 13-də bir neçə istiqamətdə atəşkəs rejimini pozub.
Müdafiə Nazirliyi mətbuat xidmətinin çərşənbə axşamı yaydığı məlumata görə, sentyabrın 13-də saat 20:00-dan 20:20-dək, 20:05-dən 20:15-dək Ermənistan Respublikasının Noyenberyan rayonu ərazisindəki adsız yüksəkliklərdə və Voskevan kəndində yerləşən mövqelərdən Qazax rayonu ərazisindəki adsız yüksəkliklərdə və Quşçu Ayrım kəndində yerləşən mövqelərimizi atəşə tutublar.
Həmin gün saat 20:05-dən 20:15-dək Ermənistan Respublikası İcevan rayonunun Berkaber kəndində yerləşən mövqelərdən Qazax rayonunun Qızılhacılı kəndində yerləşən mövqelərimizi; saat 19:10-dan 19:25-dək Goranboy rayonu ərazisindəki adsız yüksəkliklərdə yerləşən mövqelərdən; saat 16:40-dan 16:50-dək, 20:30-dan 21:20-dək, sentyabrın 14-də saat 03:25-dən 04:00-dək Tərtər rayonunun Çaylı və Seysulan kəndləri yaxınlığında yerləşən mövqelərdən; saat 21:35-dən 21:40-dək, 22:25-dən 22:35-dək; sentyabrın 14-də saat 03:10-dan 04:00-dək fasilələrlə Füzuli rayonu ərazisindəki adsız yüksəkliklərdə, Qaraxanbəyli, Horadiz və Qorqan kəndləri yaxınlığında yerləşən mövqelərdən; saat 02:35-dən 02:50-dək Ağdam rayonunun Sarıcalı və Yusifcanlı kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub. İtki yoxdur.