Azərbaycan, Bakı, 24 aprel / Trend müxbir K.Zərbalıyeva/
Ermənistan Silahlı Qüvvələrinin bölmələri növbəti dəfə cəbhə xəttində atəşkəsi pozub.
Azərbaycan Müdafiə Nazirliyinin mətbuat xidmətindən Trend-ə verilən məlumata görə, düşmən hərbiçilər aprelin 23-də saat 21:40-dan 22:00-dək Füzuli rayonunun Horadiz kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub.