Azərbaycan, Bakı, 2 noyabr / Trend/
Cümə axşamından cümə gününə keçən gecə Azərbaycanın işğal olunmuş Kəlbəcər rayonu ərazisində erməni hərbiçiləri daşıyan yük maşını aşıb. Trend-in məlumatına görə, bu barədə Ermənistan KİV-i ölkənin Müdafiə Nazirliyinin mətbuat xidmətinə istinadən xəbər verir.
Qəza nəticəsində üç erməni əsgər həlak olub, daha 12-si yaralanıb. Onların hamısının müqavilə əsasında xidmət etdikləri bildirilir.