Azərbaycan, Bakı, 23 yanvar /Trend, müxbir E.Mehdiyev/
Avropa İttifaqı (Aİ) Xocalı aeroportu ilə bağlı beynəlxalq qanunlar və normalar çərçivəsində hərəkət etməyə üstünlük verir. Trend-in məlumatına görə, bunu çərşənbə günü jurnalistlərə Aİ-nin Azərbaycandakı nümayəndəliyinin rəhbəri Roland Kobia deyib.
"Bu istiqamətdə hələ heç nə baş verməyib və biz Xocalı aeroportu ilə bağlı öz fikirlərimizi bildirmişik", - Kobia bildirib.
O qeyd edib ki, Aİ Dağlıq Qarabağ münaqişəsi bölgəsində gərginliyi artıracaq addımın və təşəbbüsün əleyhinədir.
"Aİ bu istiqamətdə əməkdaşlığın və dialoqun davam etdirilməsinin əhəmiyyətli olduğunu hesab edir", - Kobia deyib.