İşğalçı qüvvələr ərazilərimizi tərk etdikdən sonra həmin ərazilərdə sərhəd mühafizəsinin yaradılması zərurəti ortaya çıxacaq. Trend xəbər verir ki, bu barədə jurnalistlərə Azərbaycanın Dövlət Sərhəd Xidmətinin rəisi Elçin Quliyev məlumat verib.
"Ötən ilin dekabr ayında Prezident İlham Əliyevin imzaladığı müvafiq sərəncam da Azərbaycanın sərhəd mühafizəsinin texniki-nöqteyi nəzərindən inkişafına yönəlmiş bir sərəncamdır. Əsas məqsəd işğalçı qüvvələrin Azərbaycan ərazilərini tərk etdikdən sonra Azərbaycan sərhəd mühafizəsi sisteminin bərpasıdır. Məlum olduğu kimi, həm şimaldan, həm də şimal-qərbdən yeni sərhədlərimiz mövcuddur və həmin sərhədlərin də mühafizəsi yüksək səviyyədə qurulmalıdır. Prezidentin imzaladığı sərəncam real müsbət nəticələrin əldə edilməsi üçün ciddi zəmin yaradır", - deyə E.Quliyev bildirib.
Trend-in ən mühüm və maraqlı xəbərlərini "Telegram"da izləyin
