ATƏT-in Dağlıq Qarabağ münaqişəsinin tənzimlənməsi üzrə Minsk qrupunun həmsədrləri dekabrın 14-16-da Madriddə olacaqlar. Bu barədə Trend ə Rusiya XİN Dağlıq Qarabağ üzrə qrupundan bildiriblər.
Madridə səfərin məqsədi ATƏT-in növbəti sədri - İspaniyanın XİN başçısı Migel Anxel Moratinosa münaqişənin sülh yolu ilə həlli prosesi barədə məlumat verməkdir. Minsk qrupu həmsədrləri həmçinin öz aralarında dekabrın 4-5-də Brüseldə keçirilmiş görüşün nəticələrini müzakirə etmək, yaxın perspektiv üçün planları da müəyyən etmək niyyətindədirlər.
2007-ci il yanvarın 1-dən etibarən İspaniya növbəti il üçün ATƏT-də sədrlik vəzifəsini öz üzərinə götürəcək.
