Azərbaycan, Bərdə / Trend müxbir Ş.Cəliloğlu/ Ermənistan Silahlı Qüvvələri Ağdam rayonunun işğal altında olan Yusifcanlı və Mərzili kəndləri ərazisində yenidən yanğın törətməyə başlayıblar. Cəbhəyanı kənd sakinlərinin verdiyi məlumata görə, gecə saatlarından başlayan yanğın səhər saatlarına qədər davam edib. Sakinlər qeyd edib ki, Ermənistan Ordusunun bölmələri yanğınları əsasən gecə saatlarında törədir. Hazırda yanğın törədilmiş ərazilərdə tütstü müşahidə olunur.