Azərbaycan, Bakı / Trend müxbir K.Zərbalıyeva/ Ermənistan Silahlı Qüvvələrinin bölmələri iyulun 19-da saat 22.50-dən 22.55-dək İcevan rayonunun Vazaşen kəndinin şimal-şərqində yerləşən mövqelərindən Azərbaycan Silahlı Qüvvələrinin Qazax rayonu ərazisindəki mövqelərini pulemyotlardan atəşə tutub.
Müdafiə Nazirliyinin mətbuat xidmətindən cümə günü verilən məlumata görə, cavab atəşi ilə düşmən susdurulub. İtki yoxdur.