Azərbaycan, Bakı, 14 fevral / Trend , müxbir S.İlhamqızı/ Müxalifət liderləri Azərbaycan Demokratik Cümhuriyyətinə qarşı kampaniya aparıldığını iddia edirlər.
1918-ci il mayın 19-da Azərbaycan Xalq Cümhuriyyətinin Milli Şürası İrəvanın yeni yaranmaqda olan Ermənistan Respubbilkasına paytaxt kimi verilməsi haqqında qərar qəbul edib.
Azərbaycan Parlamentinin spikeri Oqtay Əsədov ötən həftə bildirib ki, Parlament Azərbaycan torpaqlarının Ermənistana verilməsinin səbəbləri göstərilən və ermənilərin iddialarına qarşı sənəd qəbul edəcək. Məsələnin araşdırılması üçün komissiyanın yaradılması nəzərdə tutulur.
Azadlıq blokunun həmsədri Əli Kərimli bildirib ki, son dövrlər Azərbaycan Demokratik Cümhuriyyətinin əleyhinə aparılan kampaniya yolverilməzdir.
Tarixçi alim Cəmil Həsənli bildirib ki, Cümhuriyyət illərində o dövrün reallıqları və tələbləri altında Azərbaycanın İrəvan şəhəri ermənilərə güzəştlə verildi. Lakin o hesab edir ki, buna görə Cümhuriyət liderlərini xəyanətkar adlandırmaq olmaz. "Əksinə, bütün dünyada təbliğat aparmaq lazımdır ki, Azərbaycanın 1918-ci ildə öz torpaqlarını Ermənistana güzəştə getməsinə baxmayaraq, ermənilər yenə də Azərbaycana qarşı torpaq iddialarından əl çəkmir", - deyə Həsənli bildirib.
Filoloq alim Kamil Vəli Nərimanoğlu da bildirib ki, Azərbaycanın öz daxilində Cümhuriyyət hakimiyyəti xadimlərinin günahlandırılması ermənilərin Azərbaycan əleyhinə təbltğat aparmasına imkan verə bilər.
