...

Azərbaycan müxalifətinin vahid namizədi seçkinin ikinci turu keçirilərsə mümkündür - millət vəkili

Siyasət Materials 26 Fevral 2008 11:38 (UTC +04:00)

Azərbaycan, Bakı, 26 fevral / Trend , müxbir Q.Cəbiyev/ Azərbaycan müxalifətinin seçkidə vahid namizədlə iştirakı zəruri deyil. "Müxalifətin vahid namizəd məsələsinə seçkilərin ikinci turu olduğu halda baxılması mümkün ola bilər" çərşənbə axşamı Trend ə Müsavat Deputat Qrupunun üzvü, millət vəkili Pənah Hüseyn bildirib.

Azərbaycanda prezident seçkisi oktyabrda keçiriləcək. Əksər müxalifət partiyaları seçkidə namizədləri ilə iştirak edəcəklərini bildirsələr də, Müsavat və Demokrat partiyaları müxalifətin seçkiyə vahid namizədlə getməsini dəstəkləyir. Eks-spiker, ABŞ-da mühacir həyatı yaşayan Rəsul Quliyev yenidən müxalifətin bir araya gəlməsi təşəbbüsü ilə çıxış edib və lideri olduğu Açıq Cəmiyyət Partiyasına bu istiqamətdə danışıqlar aparmağı tapşırıb. Hakim Yeni Azərbaycan Partiyası hazırkı dövlət başçısı İlham Əliyevin namizədliyini irəli sürəcək. Üç müxalifət partiyasının təmsil olunduğu "Azadlıq" bloku isə seçki komissiyalarının tərkibinin dəyişməyəcəyi halda seçkidə iştirak etməyəcəklərini bildirib.

Hüseyn vurğulayıb ki, müxalifətin seçkidə vahid namizədlə iştirakı arzuolunan olsa da, real görünmür. Onun sözlərinə görə, buna ehtiyac da yoxdur. "Əsas məsələ azad və ədalətli seçkilərin keçirilməsi, mətbuat sahəsində vəziyyətin yaxşılaşması, sərbəst toplaşmaq azadlığının təmin edilməsidir" müxalifətçi millət vəkili əlavə edib.

Müsavat Deputat Qrupuna beş nəfər daxildir.

Xəbər lenti

Xəbər lenti