...

Heydər Əliyevin anadan olmasının 85 illiyi münasibəti ilə Qazax-Quba marşrutu üzrə yürüş keçirilir

Siyasət Materials 23 Aprel 2008 13:07 (UTC +04:00)

Azərbaycan, Gəncə, 23 aprel / Trend , müxbir V.Məmmədov/ Heydər Əliyevin anadan olmasının 85 illiyi münasibəti ilə Qazax-Quba marşrutu üzrə yürüş başlayıb. Yürüşün təşkilatçısı Zülal Əliyev çərşənbə günü jurnalistlərə bildirib ki, aksiyada 15 nəfər iştirak edir və onların arasında Qarabağ müharibəsi və Çernobl veteranları, qrup əlilləri, tələbələr və digər şəxslər də var. Yürüş iştirakçıları Heydər Əliyevin şəkilləri və Azərbaycan bayrağı ilə bəzədilmiş 6 maşın karvanı ilə hərəkət edirlər. Aksiya Qazax rayonundan başlayıb. İştirakçılar bu gün Gəncədə mərkəzi meydanda Heydər Əliyevin heykəlini ziyarət ediblər.

Tədbirin təşkilatçılarının verdiyi məlumata görə, hər bir rayonda yürüş iştirakçıları vətəndaşlarla söhbətlər edir, Heydər Əliyev şəxsiyyəti haqqında maarifləndirici işlər aparırlar.

Əliyev qeyd edi ki, yürüş mayın 10-da Bakıda Fəxri Xiyabanda Heydər Əliyevin məzarı önündə sona çatacaq. Bakıdan əvvəl isə təşəbbüs qrupu Qubanın Xınalıq kəndində, ucqar təpədə Heydər Əliyev yazılan mərmər lövhəni qoyacaqlar.

Məqalə müəllifi ilə əlaqə ünvanı: [email protected]

Xəbər lenti

Xəbər lenti