Azərbaycan, Bakı, 30 may / Trend , müxbir C.Babayeva/ Müxalifəti təmsil edən "Bizim Azərbaycan" bloku prezident seçkisində "Azərbaycan Naminə" İctimai Forumun rəhbəri Eldar Namazovun namizədliyini dəstəkləyəcək. Cümə günü blokdan Trend -a verilən məlumata əsasən, bununla bağlı blokun Sədrlər Şurası bəyanat qəbul edib.
Namazov 1993-1999-cu illərdə prezident köməkçisi və Prezident Katibliyinin rəhbəri olub.
Azərbaycanda prezident seçkisi oktyabrın 15-də keçiriləcək.
"Prezidentliyə namizədliyini irəli sürmüş Namazovun platforması ilə "Bizim Azərbaycan" blokunun məram və məqsədləri üst-üstə düşür", - deyə bəyanatda vurğulanıb.
Blok Azərbaycanda fəaliyyət göstərən milli qüvvələri və ictimai təşkilatları düzgün seçim edərək Namazovu müxalifətin vahid namizədi olaraq dəstəkləməyə çağırıb.
"Bizim Azərbaycan" bloku 2003-cü il keçirilən prezident seçkiləri dövründə prezidentliyə namizəd olan Müsavat Partiyasının başqanı İsa Qəmbərin namizədliyini dəstəkləmək üçün yaradılıb. Sonradan Müsavat Partiyası bloku tərk edib. Hazırda "Bizim Azərbaycan" blokunda səkkiz partiya təmsil olunur.
Məqalə müəllifi ilə əlaqə saxlamaq üçün ünvan - trend