Azərbaycan, Bakı,25 iyun/ Trend / Prezident İlham Əliyev çərşənbə günü Azərbaycan Respublikası Silahlı Qüvvələrinin 90 illik yubileyi münasibətilə Azərbaycan Respublikasının müstəqilliyinin, ərazi bütövlüyünün qorunub saxlanılmasında xüsusi xidmətlərinə, öz xidməti vəzifələrini və hərbi hissənin qarşısında qoyulmuş tapşırıqları yerinə yetirərkən fərqləndiklərinə görə Azərbaycan Respublikası Silahlı Qüvvələri hərbi qulluqçularının böyük bir qrupunun təltif edilməsi haqqında sərəncam imzalayıb. Sərəncama əsasən, 9 nəfər "Azərbaycan Bayrağı" ordeni ilə, 21 nəfər"Vətən uğrunda" medalı ilə, 9 nəfər İgidliyə görə" medalı ilə, 37 nəfər "Hərbi xidmətlərə görə" medalı ilə təltif edilib.
...
