Azərbaycan, Bakı, 31 iyul/ Trend , müxbir C.Babayeva/ Azərbaycan Ziyalıları Birliyi maliyyə çətinlikləri səbəbindən fəaliyyət göstərdiyi qərargahı tərk edib. "Birlik bu gündən etibarən qərargahsız fəaliyyət göstərəcək", - deyə cümə axşamı Trend -a Birliyin sədri Eldəniz Quliyev məlumat verib.
Birlik üzvlərinin birinin evindən müəvvəqəti qərargah kimi istifadə edəcək. Ziyalılar Birliyi qərargah probleminin dövlət qurumları tərəfindən həll olunacağına ümid etməsə də, Dövlət Əmlakının İdarə Edilməsi üzrə Dövlət Komitəsinə və Bakı Şəhər İcra Hakimiyyətinə müraicət edəcək.
Quliyevin sözlərinə görə, o, Azərbaycan ziyalılarına münasibətdən təəccüblənib. "Birlik bu günə qədər müstəqil fəaliyyət göstərib və maliyyə yardımına görə heç kəsə müraciət etmək niyyətində deyil. Qərargah probleminin həll olunacağına ümid edirik",- deyə o bildirib.
Trend -un arayışı: Azərbaycan Ziyalıları Hərəkatı 2003-cü ildə yaradılıb və 2007-ci ildə Ədliyyə Nazirliyində Azərbaycan Ziyalıları Birliyi kimi rəsmi qeydiyyatdan keçib. Təşkilatın məqsədi Azərbaycan ziyalılarının hüquqlarının müdafiəsini həyata keçirmək və müxalifətlə iqtidar arasında barışığa nail olmaqdır.
Məqalə müəllifi ilə əlaqə saxlamaq üçün ünvan: [email protected]
