...

Azərbaycanın müxalifətçi prezidentliyə namizədi təbliğatını regionlardan başlayacaq

Siyasət Materials 18 Sentyabr 2008 12:08 (UTC +04:00)

Azərbaycan, Bakı, 18 sentyabr / Trend , müxbir E.Abbaslı/ Azərbaycanın müxalifətçi prezidentliyə namizədi təbliğat-təşviqat kampaniyasını regionlardan başlayacaq.

"Kütləvi aksiyanı ilk olaraq Sumqayıtda keçirməyi planlaşdırırıq", cümə axşamı Trend-News-a Azərbaycan müxalifətini təmsil edən Böyük Quruluş Partiyasının sədri, prezidentliyə namizəd Fazil Qəzənfəroğlu bildirib.

Trend-News-un arayışı: Azərbaycanda prezident seçkisi oktyabrın15-də keçiriləcək. Prezident seçkisində yeddi namizəd - Yeni Azərbaycan Partiyasının (YAP) sədri, hazırki dövlət başçısı İlham Əliyev, müxalif Ümid Pariyasının sədri İqbal Ağazadə, Böyük Quruluş Partiyasının sədri Fazil Qəzənfəroğlu, Bütöv Azərbaycan Xalq Cəbhəsi Partiyasının sədri Qüdrət Həsənquliyev, Müasir Müsavat Partiyasının sədri Hafiz Hacıyev, Azərbaycan Liberal Demokrat Partiyasının sədri Fuad Əliyev və müstəqil namizəd Qulamhüseyn Əlibəyli iştirak edəcək. Prezidentliyə namizədlərin təbliğat-təşviqat kampaniyası sentyabrın 17- də başlayacaq və 28 gün davam edəcək.

Müxalifətyönlü Böyük Quruluş Partiyası 2003-cü ildə yaradılıb. Partiya Milli Məclisdə bir deputatla təmsil olunur.

Qəzənfəroğlu deyib ki, seçki kampaniyasının ilkin mərhələsi zamanı əsasən regionlara diqqət yetiriləcək, kütləvi aksiyalar regionlarda keçiriləcək. Hakim Yeni Azərbaycan Partiyasının (YAP) təbliğat mitinqlərinə Bakıdan başlamasının ümumi siyasi xəttin görüntüsü ilə bağlı olduğunu deyən Qəzənfəroğlu bildirib ki, YAP görünür bu ənənəni davam etdirməyi məqsədəuyğun sayıb.

Məqalə müəllifi ilə əlaqə ünvanı: [email protected]

Xəbər lenti

Xəbər lenti