Azərbaycan, Bakı, 23 sentyabr/ Trend , müxbir N.Abdullayeva/ Rusiya Federal Məclisi Federasiya Şurasının sədr müavini Svetlana Orlova Azərbaycana səfər edəcək. Səfər Azərbaycan qadınlarının sentyabrın 26 - da ölkənin paytaxtında keçiriləcək qurultayı ilə bağlıdır,- Rusiyanın Azərbaycandakı səfirliyinin baş müşaviri Aleksandr Trofimov çərşənbə axşamı Trend -a bildirib.
Orlova səfəri çərçivəsində Azərbaycanın Milli Məclisində görüşlər keçirəcək, parlamentlərarası münasibətlərin inkişaf perspektivlərini müzakirə edəcək. Azərbaycan qadınlarının qurultayında iştirak edəcək Rusiya nümayəndə heyətinin tərkibinə Moskva hökuməti sədrinin birinci müavini Lyudmila Şvetsova da daxildir.
Müəlliflə əlaqə saxlamaq üçün elektron ünvan - [email protected]
