Azərbayan, Bakı, 4 oktyabr/ Trend / müxbir İ.Əlizadə/ Rəsmi Bakı bəyan edib ki, Azərbaycanla Ermənistan arasında Dağlıq Qarabağ münaqişəsinin həlli ilə bağlı olan prinsipial məsələləri razılaşdırmaq hələ də mümkün olmayıb.
"Dağlıq Qarabağın və Laçın dəhlizinin statusu, sülhməramlı qüvvələrin yerləşdirilməsi kimi prinsipial məsələlərlə bağlı razılaşma əldə olunmayıb" şəndə günü Trend -a Azərbaycan Prezidentinin İcra Aparatının Beynəlxalq əlaqələr şöbəsinin müdiri Novruz Məmmədov bildirib.
Trend -un arayışı: Ermənistan Azərbaycan ərazisinin 20 faizini - Dağlıq Qarabağı və ətrafındakı yeddi rayonu işğal edib. İşğal 1988-ci ildən başlayıb, 1991-ci ilin dekabrınadək Şuşa və Xocalı istisna olmaqla Dağlıq Qarabağ Azərbaycanın nəzarətindən çıxıb. 1992-93-cü illərdə isə Şuşa, Xocalı və Dağlıq Qarabağın ətrafındakı daha yeddi rayon işğal edilib. 1994-cü ildə Ermənistanla Azərbaycan arasında atəşkəs haqqında razılıq əldə olunub və indiyədək də tərəflər arasında sülh danışıqları davam etdirilir.
Dağlıq Qarabağ münaqişəsinin sülh yolu ilə tənzimlənməsi üçün üç ölkə - ABŞ, Rusiya və Fransa təmsilçilərinin həmsədrliyi ilə ATƏT-in Minsk qrupu vasitəçilik edir.
Rusiyanın xarici işlər naziri Sergey Lavrov Ermənistana səfəri zamanı bildirib ki, rəsmi Bakı və İrəvan Dağlıq Qarabağ münaqişəsinin həlli məsələsində bir sıra prisipal məsələləri razılaşdırıblar.
Novruzov deyib ki, əsas məsələlərin bəziləri ilə bağlı tərəflərin razılığı olmadığı üçün, əvvəllər razılaşdırılmış maddələri də bu gün tam qəbul etmək mümkün deyil.
"Belə bir bəyanatı Sergey Lavrov verdiyi üçün çox geniş əks-sədaya səbəb olub. Amma bu cür bəyanatları tərəflər əvvəllər də veriblər. O zaman da bu əks-sədaya səbəb olub. Məsələ ondadır ki, münaqişənin həlli mərhələ-mərəhələ mümkün olduğu üçün, həm tərəflər, həm də həmsədrlər asandan çətinə gedən bir yol keçirlər. Bu da təbiidir. Lakin əsas məsələlər razılaşdırılmayıb" Məmmədov əlavə edib.
Onun fikrincə, bir necə mühüm məsələ ilə bağlı razılaşma əldə olunmalıdır ki, əvvəllər razılaşdırılan maddələr də qüvvədə qalsın. Prezident Aparatının rəsmisi əlavə edib ki, hazırda mühüm məsələlərin razılaşdırılması üçün iş aparılır.
"Razılaşdırılan məsələləri açıqlamaq asan deyil və buna ehtiyac yoxdur. Çünki razılaşdırılan məsələləri açıqlamaq danışıqlar prosesinə ziyan vura bilər. Sonuncu məsələlər ən mühümləridir. Onların razılaşdırılması, necə həll olunması digər maddələrə təsir göstərir", -deyə o öildirib.
Prezident Aparatının rəsmisi hesab edir ki, prinsipal məsələlərin həll olunması üçün Ermənistan düzgün mövqe tutmalıdır.
"Ermənistan rəhbərliyi fikirləşməlidir ki, bu münaqişə yarandığı gündən indiyə qədər onlar nə qədər çox şey itiriblər. Əgər münaqişə olmasaydı, Ermənistan digər iki region ölkəsi ilə birlikdə inkişaf və qarşısına qoyduğu vəzifələri birlikdə həll etsəydi, ermənilər hazırkı vəziyyətdən 10-15 qat yaxşı yaşayardılar. Ermənilər Dağlıq Qarabağ münaqişəsini törətməklə həddindən artıq uduzublar və bütün hadisələr bunu sübüt edir" Novruzov əlavə edib.
Məmmədov deyib ki, eyni zamanda, Minsk qrupunun həmsədrləri, münaqişənin həlli ilə məşğul və bunda maraqlı olan böyük dövlətlər və beynəlxalq təşkilatlar da nəhayət, ədalətli mövqeni daha konkret və qətiyyətli formada ortaya qoymalıdırlar. O vurğulayıb ki, Ermənistan 20 ildir, qonşu ölkənin ərazisini işğal edib, münaqişənin həllində konker mövqe tutmur, BMT-nin Təhlükəsizlik Şurasının qərarlarını həyata keçirmir.
"Dünya birliyi, böyük dövlətlər, həmsədrlər isə bunun yanından sürüşüb keçirlər. Bu düzgün deyil" Prezident Aparatının rəsmisi bildirib.
Məmmədov qeyd edib ki, Azərbaycanın mövqeyi həmişə beynəlxalq hüquqa tam uyğun və ədalətlidir.
Məqalə müəllifi ilə əlaqə ünvanı: [email protected]
