Azərbaycan, Bakı, 10 oktyabr/ Trend , müxbir N.Abdullayeva/ İraq Bağdadda Azərbaycan səfirliyinin açılmasında maraqlıdır.
"İraq hökuməti Azərbaycanın onun ərazisində səfirlik açmasını istəyir", - deyə Trend -a İraqın Azərbaycandakı səfiri Ərşad Ömər İsmayıl.
O bildirib ki, bu mövzu artıq Azərbaycanın Xarici İşlər Nazirliyi ilə müzakirə olunub və Azərbaycan tərəfi siyasi iradə nümayiş etdirib.
Azərbaycanın İordaniyadakı səfiri Elman Araslı İraqa da akreditə olunub və eyni zamanda iki vəzifə daşıyır.
"Bir çox müsəlman ölkələri İraqda səfirliklərini açır. İraq ərazisində artıq Böyük Britaniya, Norveç, İtaliya və bir çox digər qərb ölkələrinin səfirlikləri də fəaliyyət göstərir. Biz istərdik ki, İraqda bizə dost olan ölkələrin səfirliklərinin sayı artsın", - deyə səfir bildirib.
İraq 1973-cü ildə Azərbaycanda konsulluğunu açıb. Azərbaycanın müsətiqlik əldə etməsindən sonra Bağdad ölkədə diplomatik missiyasını genişləndirib və öz səfirini təyin edib.
"İraq xarici sərmayələr üçün açıqdır. Əgər hansısa ölkə, yaxud şirkət İraqa sərmayə yatırmağa maraq göstərərsə, biz buna şad olarıq və Azərbaycan şirkətlərini ölkəmizin iqtisadiyyatına sərmayə yatırmağa çağırırıq", - deyə diplomat bildirib.
Məqalə müəllifi ilə əlaqə ünvanı: trend
