Azərbaycan, Bakı, 15 oktyabr/ Trend , müxbir C.Babayeva/ Bakı vaxtı ilə saat 15.00 -a Azərbaycan prezidenti seçkilərində seçicilərin 53,1 faizi iştirak edib, - MSK bildirib.
Bu saatadək qeydə alınmış 4 866 582 seçicidən 2 584 253 -ü səs verib.
Oktyabrın 15 - də Azərbaycanda prezident seçkiıi keçirilir. Prezident seçkisində yeddi namizəd - Yeni Azərbaycan Partiyasının (YAP) sədri, indiki dövlət rəhbəri İlham Əliyev, müxalif Ümid Pariyasının sədri İqbal Ağazadə, Böyük Quruluş Partiyasının sədri Fazil Qəzənfəroğlu , Bütöv Azərbaycan Xalq Cəbhəsi Partiyasının sədri Qüdrət Həsənquliyev, Müasir Müsavat Partiyasının sədri Hafiz Hacıyev, Azərbaycan Liberal Demokrat Partiyasının sədri Fuad Əliyev və müstəqil namizəd Qulamhüseyn Əlibəyli iştirak edir.