Azərbaycan prezidenti İlham Əliyev oktyabrın 16-da Türkiyənin Mərmərə Qrupu Strateji və Sosial Araşdırmalar Vəqfinin sədri Akkan Suverin rəhbərlik etdiyi nümayəndə heyətini qəbul edib. Nümayəndə heyətinə Türkiyə-Azərbaycan parlamentlərarası dostluq qrupunun sədri, AKP partiyasının təmsilçisi Mustafa Kabakçı, Türkiyə Böyük Millət Məclisində AKP partiyasını təmsil edən millət vəkilləri Cəlal Erbay, Cahit Bağçı, Orxan Ərdem, TBMM-də CHP partiyasını təmsil edən millət vəkili Ensar Öğüt və TBMM-də MHP partiyasını təmsil edən millət vəkili Tuğrul Türkeş daxil idi.
Mərmərə Qrupu Vəqfinin sədri Akkan Suver prezident
seçkilərində böyük əksəriyyətin
səsçoxluğu ilə inamlı qələbə qazanan
prezident İlham Əliyevi təbrik edib. Dövlətimizin
başçısına möhkəm cansağlığı
arzulayan Akkan Suver dost və qardaş Azərbaycan
xalqının firavanlığı naminə
gələcək fəaliyyətində ona uğurlar
arzulayıb.
Öz növbəsində İlham Əliyev təbrikə
görə minnətdarlığını bildirib,
ölkəmizlə Mərmərə Qrupu arasında
əməkdaşlığın bundan sonra daha da genişlənəcəyinə
əminliyini söyləyib.