Azərbaycan, Bakı, 12 noyabr / Trend / "Şərq tərəfdaşlığı" Azərbaycanın Avropaya inteqrasiyası üçün stimul ola bilər. Avropa komissiyasının Bakıdakı nümayəndəliyinin rəhbəri Alan Vaddams belə hesab edir.
Polşa və İsveçrə mayın 26-da şərq qonşuları üçün vahid forumun yaradılması barədə təklifi - "Şərq tərəfdaşlığı"nı Avropa İttifaqının xarici işlər nazirlərinə təqdim ediblər. Bu foruma Avropa Birliyinin üzvü olan 27 dövlət, eyni zamanda Ukrayna, Moldova, Gürcüstan, Ermənistan və Azərbaycan daxil olacaq.
Avropa komissiyası "Şərq tərəfdaşlığı" üzrə yeni şöbə yaradıb. "Şöbə bu ölkələrin Avropayla yaxınlaşmasını bir az da fəallaşdırmaq məqsədilə yaradılıb" - Vaddams Trend -a bildirib.
Onun sözlərinə görə, şöbənin bu ilin sonunda keçirilməsi gözlənilən ilk görüşü zamanı "Şərq tərəfdaşlığı"na üzv ölkələrin Avropaya inteqrasiya prosesində qazandıqları uğurların müzakirəsi və inteqrasiyanın əsas yollarının müəyyən edilməsi planlaşdırılır.
"Bu şöbənin ölkələrin Avropaya daha tez yaxınlaşmasına yardım edəcəyinə çox böyük ümidlər bəsləyirəm", - Vaddams bildirib.
Qurum çərçivəsində vizanın ləğvi, azad ticarət zonasının yaradılması, strateji sazişlərin bağlanmasına dair danışıqlar aparılacaq.
Məqalə müəllifi ilə əlaqə ünvanı: [email protected]
