Azərbaycanın Rumıniyadakı
səfirliyinin dəstəyi ilə Rumıniya-Azərbaycan
Dostluq Cəmiyyəti tərəfindən
"İçərişəhər" Dövlət Tarix-Memarlıq
Qoruğu İdarəsinin sədri Kamran İmanovun və
həmmüəllif-Rumıniyada fəaliyyət
göstərən "Paul Polidor" Fondunun prezidenti, tanınmış
ictimai xadim və bəstəkar Paul Polidorun "Armyanskie
(i)na(o)rodnıe skazki" adlı kitabı ingilis və rumın
dillərinə tərcümə edilərək Rumıniyada
çap olunub. Xəbəri AzərTAc
Dövlət İnformasiya Agentliyi yayıb.
Cəmiyyətdən bildiriblər ki, ermənilərin böhtançı
fəaliyyətləri və təhrifləri,
xalqımızın mədəni və tarixi irsini zaman-zaman
mənimsəmə cəhdləri, terrorçu və
məkrli siyasətləri kitabda geniş əks olunub.
Yeni kitab səfirlik tərəfindən Rumıniyanın milli
arxivinə, bütün kitabxanalarına, elm və təhsil
ocaqlarına, senatorlara və deputatlara, ölkədəki
diplomatik nümayəndəliklərə və beynəlxalq
təşkilatlara göndərilib.