Azərbaycan, Bakı, 15 dekabr / Trend , müxbir A.Hüseynbala/ Azərbaycanın müxalif partiyalarının birliyinin seçki blokuna çevrilməsi istisna olunmur. Demokratiya Uğrunda İttifaqın (DUİ) Sədrlər Şurasının iclasında bu məsələnin reallaşdırılması qərarı qəbul edilib",- bazar ertəsi Trend - a DUİ - də təmsil olunan Azadlıq Partiyasının sədri Əhməd Oruc bildirib.
Trend - un arayışı: Azərbaycanda bələdiyyə seçkisi 2009-cu ilin dekabrı, parlament seçkisi 2010 - cu ilin noyabrında keçiriləcək. Azərbaycanda iki dəfə- 1999 - cu və 2004 - cü illərdə bələdiyyə seçkiləri keçirilib.
Oruc qeyd edib ki, Sədrlər Şurasının bu qərarı İttifaqda təmsil olunan partiyaların ali qurumlarının müzakirəsinə göndəriləcək.
"Partiyaların razılığı alınandan sonra qarşıdakı bələdiyyə və parlament seçkilərində vahid siyahıların hazırlanmasına başlanacaq. Seçkilərlə bağlı birgə tədbirlərin görülməsi də nəzərdə tutulur", - - Oruc əlavə edib.
Demokratiya Uğrunda İttifaqı 2005 - ci il parlament seçkisindən sonra müxalifətçi Klassik Xalq Cəbhəsi, Azadlıq, Milli Demokratiya partiyaları yaradıb. 2008 - ci il sentyabrın əvvəllrəində Böyük Azərbaycan, noyabrda Xalq partiyaları DUİ-yə üzv qəbul olunub. İttifaq bu partiyaların məşvərət və əməkdaşlıq qurumudur.
Məqalə müəllifi ilə əlaqə ünvanı: [email protected]