...

Azərbaycanın iqtidaryönlü partiyasında yeni təşkilatlanma mərhələsi başlayıb

Siyasət Materials 23 Dekabr 2008 15:12 (UTC +04:00)

Azərbaycan, Bakı, 23 dekabr / Trend , müxbir A.Hüseynbala/ Azərbaycanın iqtidaryönlü partiyasında prezident seçkisindən sonra yenidən təşkilatlanma prosesi başlayıb.

"Partiyamız fəaliyyətinin yeni mərhələsindədir və yenidən təşkilatlanma prosesı başlayıb" - çərşənbə axşamı Trend -a Demokratik Azərbaycan Dünyası Partiyasının (DADP) sədri Məmməd Əlizadə bildirib.

Trend - un arayışı: Hakimiyyətyönlü Demokratik Azərbaycan Dünyası Partiyası (DADP) 1992-ci ildə təsis olunub və 1993-cü ildə Ədliyyə Nazirliyi tərəfindən dövlət qeydiyyatına alınıb. Təşkilata Məmməd Əlizadə rəhbərlik edir. Partiya 1993-cü ildə hakimiyyətə gəlmiş Yeni Azərbaycan Partiyasının siyasətini dəstəkləyir.

Мüхаlifəti təmsil еdən və 1999-cu ildə yаrаdılаn Böyük Мillət Pаrtiyаsı (BMP) 2008-ci il sеntyаbrın 23-də DADP ilə birləşib. 2008-ci il prezident seçkisindən sonra keçmiş BMP-nin üzvləri və DADP-nin rəhbərliyində təmsil olunan bir qrup şəxs istefa verərək, BMP-ni yenidən bərpa ediblər.  

DАDР iqtidaryönlü partiyalаrın 1998-ci ildə yаrаtdığı Məşvərət Məclisinin üzvüdür. Qurumda hakim Yeni Azərbaycan , Demokratik Azərbaycan Dünyası, Demokratik Maarifçilik, Azad Respublikaçılar, Respublikaçılar, Ana Vətən, Sosial Rifah, Milli Dövlətçilik , Аzərbаycаn Nаminə Аlyаns Pарtiyаları təmsil olunurlar. Hаzırdа Nizаmnаmədə təsbit оlunmuş rоtаsiyаyа uyğun оlаrаq, Мəşvərət Məclisinə sədrliк Yеni Аzərbaycan Pаrtiyаsınа həvаlə оlunub.

Onun sözlərinə ğörə, partiyada gələn il keçiriləcək bələdiyyə seçkilərinə  də hazırlıq başlayıb.

"Bələdiyyə seçkilərinə hazırlaşmaq üçün artıq seçki qərargahı yaradılıb. Biz bu seçkidə ciddi və sağlam rəqabət aparmaqla, mübarizəmizi davam etdirəcəyik"- Əlizadə əlavə edib.

DADP sədri bələdiyyə seçkilərində heç bir siyası qurumla əməkdaşlıq etmək niyyətində olmadıqlarını da qeyd edib. "Bu gün Azərbaycanın ən ucqar kəndlərində partiyamızın yerli təşkilatı formalaşıb. Ona görə, hər bir bələdiyyə üzvlüyünə partiyamızın namizədi irəli sürüləcək", - hakimiyyətyönlü partiyanın rəhbəri vurğulayıb.

Partiyanın yenidən təşkilatlanmasına gəldikdə, Əlizadənin fikrincə, indiyə qədər DADP-a  kütləvi axın olub. "Partiyanın ciddi siyasi təşkilat kimi fəaliyyəti üçün bütün sənədləşmə yenidən aparılır. İndi hər bir yerli təşkilata siyasi fəaliyyət üçün konkret təlimatlar verilir", - DADP sədri bildirib.

Əlizadə deyib ki, partiyaya kütləvi qəbul bundan sonra da davam edəcək: "Hər gün partiyanın qərargahına min nəfərdən artıq adamın ərizəsi daxil olur", - DADP lideri qeyd edib. 

Məqalə müəllifi ilə əlaqə ünvanı: [email protected]



Xəbər lenti

Xəbər lenti