Türkmənistan, Aşqabad, 26 dekabr/ Trend , miüxbir E.Həsənov/ Türkmənistan və Tacikistan dostluq və əməkdaşlıq Müqaviləsinin təsdiqi haqqında etimadnamə mübadiləsi barədə Protokol imzalayıblar. Bu barədə Türkmənistan Xarici İşlər Nazirliyinin cümə günü yayılan press-relizində bildirilir.
Türkmənistan tərəfindən sənədi Baş nazirin müavini, xarici işlər naziri Rəşid Meredov, Tacikistan tərəfindən isə, bu ölkənin Fövqəladə və Səlahiyyətli səfiri Kozidovlat Koimdodov imzalayıb. Tərəflər qeyd ediblər ki, "Türkmənistan və Tacikistan arasında tarixi dostluq və xoş qonşuluq ən-ənələrinə əsaslanan münasibətlər müasir dövrdə istiqamətlərin ən geniş spektri üzrə fəal şəkildə inkişaf edir".
Türkmənistanın Xarici İşlər Nazirliyi qeyd edir ki, 2007-ci ildə ölkə prezidenti Qurbanqulu Berdiməhəmmədovun Düşənbəyə və Tacikistan prezidenti İmomali Rahmonun Aşqabada rəsmi səfərləri türkmən - tacik əlaqlərinin fəallaşmasına təsir edən əsas amil olub. Yüksək səviyyədə əldə olunan razılaşmalara müvafiq olaraq, iki ölkə arasında mədəni-humanitar sahədə qarşlıqlı münasibətlər, ticarət - iqtisadi əlaqlər və siyasi məsləhətləşmələr müsbət dinamika əldə edib.
1993 - cü ildən 2008 - ci ilədək olan dövrdə imzalanmış tacik - türkmən ikitərəfli siyasi-iqtisadi münasibətlərinin müqavilə-hüquq bazası 34 sənəddən ibarətdir. 2008 -ci ilin birinci yarımilliyində Tacikistanın Türkmənistan ilə xarici mal dövriyyəsi 31,4 mln dollar təşkil edib və bu, 2007-ci ilin analoji dövrünün göstəricisini 1,5 dəfə üstələyir. İki ölkə münasibətlərində mövcud olan potensialdan tam istifadə məqsədi ilə ticarət - iqtisadi və elmi - texniki əməkdaşlıq üzrə hökumətlərarası komissiya yaradılıb.
2007-ci ildə Türkmənistan elektrik enerjisinin Tacikistana ixracı üzrə üç illik müqavilə imzalanıb. 2008 - ci ildə o, beş illik müddətə uzadılıb. Türkmənistan prezidentinin qərarına əsasən, tərəflər arasında 2008 - 2009 - cu illərin payız - qış dövrlərində 1,2 mlrd. kVt/saat həcmində elektrik enerjisinin Tacikistana ixracı üçün əlavə saziş imzalanıb.
Məqalə müəllifi ilə əlaqə ünvanı: [email protected]