Azərbaycan, Bakı, 09 yanvar / Trend , müxbir S.Kazımlı/ Bakı polisi əvvəllər məhkum olunmuş şəxsdən külli miqdarda narkotika götürüb.
Bakı şəhər Baş Polis İdarəsindən cümə günü Trend -a verilən məlumata görə, Nərimanov rayon Polis İdarəsinin Narkotiklərlə mübarizə bölməsinin əməkdaşları keçirdikləri əməliyyat tədbirləri nəticəsində əvvəllər məhkum olunmuş 43 yaşlı Məmmədov Ələkbər Əkbər oğlundan 1 kiloqram 590,2 qram narkotik vasitə olan tiryək aşkar edib.
Məmmədov barəsində cinayət işi açılıb.
DİN-in məlumatına görə, ötən ilin 9 ayı ərazində daxili işlər orqanları tərəfindən qanunsuz dövriyyədən 564 kiloqramdan artıq narkotik vasitə götürülüb, 122,1 kq-a yaxın narkotik vasitənin qaçaqmalçılıq yolu ilə respublikaya gətirilməsinin qarşısı alınıb.
Narkotiklərlə bağlı cinayətlərə görə məsuliyyətə cəlb olunmuş 1784 nəfərdən 53-ü (3,0%) qadın, 5-i (0,3%) yetkinlik yaşına çatmayan, 1645-i (92,2%) işləməyən və oxumayan, 408-i (22,9%) əvvəllər cinayət törətmiş şəxslərdir.
Məqalə müəllifi ilə əlaqə ünvanı: [email protected]