Azərbaycan, Bakı, 12 yanvar / Trend , müxbir A.Hüseynbala / Azərbaycanın iqtidaryönlü partiyası referendumla bağlı təşəbbüs qrupu yaradıb.
"Təşəbbüs qrupunun qeydiyyata alınması üçün bu gün Mərkəzi Seçki Komissiyasına müraciət edəcəyik", - bazar ertəsi Trend -a iqtidaryönlü pariyaların təmsil olunduğu Məşvərət Məclisində təmsil olunan Demokratik Azərbaycan Dünyası Partiyasının (DADP) sədri Məmməd Əlizadə bildirib.
Trend -un arayışı: Azərbaycan parlamenti ötən ayın sonunda keçirilən iclasında Konstitusiyaya əlavələr və dəyişikliklər edilməsi ilə bağlı referendumun martın 18-də keçirilməsi barədə qərar qəbul edib.
Konstitusiyanın 29 maddəsinə dəyişiklik edilməsinə dair referendumun keçirilməsi barədə qərar verilib.
Azərbaycan Respublikası Konstitusiyasının mətninə dəyişikliklər yalnız referendum vasitəsilə daxil edilə bilər (maddə 152). AR Konstitusiyasının mətninə dəyişikliklər Milli Məclis və ya prezident tərəfindən təklif edilirsə, o zaman təklif edilən dəyişikliklər üzrə əvvəlcədən AR Konstitusiya Məhkəməsinin qərarı alınmalıdır (maddə 153).
Azərbaycan Konstitusiyası 1995 - ci ildə referendum yolu ilə qəbul olunub, 2002 - ci ildə Əsas Qanuna əlavə və dəyişikliklər edilib.
Azərbaycanın hakim partiyası "Yeni Azərbaycan", müxalif Müsavat Partiyası "Respublikaçılar" təşəbbüs qrupları yaradıblar. Mərkəzi Seçki Komissiyası YAP-ın təşəbbüs qrupunun qeydə alınması üçün bildiriş verib.
Yanvarın 10-da 21 media rəhbəri tərəfindən referendumu dəstəkləmək məqsədilə "Azad söz" Təşəbbüs Qrupu təsis edilib.
Həmin gün həmçinin Azərbaycan Həmkarlar İttifaqları Konfederasiyası (AHİK) və bir sıra QHT-lər Konstitusiyaya əlavə və dəyişikliklərə dair referendumla bağlı İctimai Təşkilatların Təşəbbüs Qrupunu təsis ediblər.
Onun sözlərinə görə, referendumla bağlı
yaradılan təşəbbüs qrupu Demokratik Azərbaycan
Dünyası adlanacaq. "Biz təşviqat kampaniyası
zamanı heç bir təşəbbüs qrupu ilə
əməkdaşlıq etmək niyyətində deyilik", -
Əlizadə əlavə edib.
Hakimiyyətyönlü Demokratik Azərbaycan Dünyası Partiyası (DADP) 1992-ci ildə təsis olunub və 1993-cü ildə Ədliyyə Nazirliyi tərəfindən dövlət qeydiyyatına alınıb. Təşkilata Məmməd Əlizadə rəhbərlik edir. Partiya 1993-cü ildə hakimiyyətə gələn Yeni Azərbaycan Partiyasının siyasətini dəstəkləyir.
Məqalə müəllifi ilə əlaqə ünvanı: [email protected]
