Azərbaycan, Bakı, 12 yanvar/ Trend / Azərbaycan prezidenti İlham Əliyev bazar ertəsi Dənizkənarı Milli Parkda əsaslı yenidənqurma və tikinti işlərinin gedişi ilə tanış olub, - "AzərTAc" Dövlət İnformasiya Agentliyi xəbər verir.
Prezident
İlham Əliyev 2008-ci il yanvarın 10 - da Nazirlər Kabineti
yanında Dənizkənarı Bulvar İdarəsinin
yaradılması haqqında Fərman imzalayıb. Fərmana
və Azərbaycan prezidenti İlham Əliyevin Bakı
şəhərində parkların və xiyabanların
yenidən qurulması ilə bağlı
tapşırıqlarına uyğun olaraq,
Dənizkənarı Milli Parkın da əsaslı
şəkildə abadlaşdırılmasına başlanılıb.
Prezident İlham Əliyev və xanımı Mehriban Əliyeva
parkda həyata keçirilən abadlıq və yenidənqurma
işlərinin gedişi ilə tanış olmaq
üçün buraya gəliblər. Dövlət başçısına
məlumat verilib ki, uzunluğu üç kilometr, ümumi
sahəsi 70 hektar olan parkın asfalt örtüyü
əvəzinə daş döşənib, çoxlu ağac
və gül kolları əkilib, yaşıllıq
zolaqları genişləndirilib. Parkdakı
məhəccərlərin işıqlandırma sistemi
tamamilə təzələnib.
Prezident İlham Əliyev və xanımı parkda quraşdırılmış attraksionlara da baxıblar. Hazırda parkda abadlaşdırma tədbirləri davam etdirilir. Dövlət başçısı işlərin yüksək keyfiyyətlə görülməsi ilə bağlı müvafiq tapşırıqlarını verib.