İran, Tehran, 21 yanvar / Trend , müxbir A.Namdari/ İran vətəndaşları İraqın Kürdüstan əyalətinə İranın Qərbi Azərbaycan əyalətinin Təmuçin gömrük- keçid məntəqəsindən vizasız keçəcəklər.
"İranın Qərbi Azərbaycan əyalətinin və İraqın Kürdüstan əyalətinin rəhbərləri arasında ötən ilin noyabrında imzalanmış sənədə əsasən, İran vətəndaşları, beynəlxalq yükdaşıma şirkətlərinin sürücüləri Təmuçin sərhəd -keçid məntəqəsindən İraqın Kürdistan əyalətinə vizasız gedə bilərlər",-deyə İranın sərhəd - keçid məntəqəsinin tranzit məsələləri üzrə müşaviri Humayun Kərimi çərşənbə günü bildirib. İraqın Kürdüstan əyalətində olmuş İran vətəndaşları burada10 günədək qala bilərlər.
Təmuçin keçid məntəqəsi İraqın Kürdüstan əyaləti Ərbil şəhərinin 200 kilometrliyində yerləşir.
Kərimi bildirib ki, ötən 9 ay ərzində İranın Qərbi Azərbaycan əyalətindən İraqın Kürdüstan əyalətinə 650 ədəd avtobus və yük maşını keçib. Təmuçin sərhəd -keçid məntəqəsindən viza rejiminin götürülməsi iki ölkə arasında səfərlərin və ticarət əlaqələrinin genişlənməsinə səbəb olacaq, - deyə Kərimi bildirib.