Azərbaycan, Bakı, 16 fevral / Trend , müxbir A. Hüseynbala/ Azərbaycanın bir qrup müxalifət partiyasının təmsil olunduğu ittifaqın iddiası məhkəmədə təmin olunmayıb.
"Bakı Apellyasiya Məhkəməsi Mərkəzi Seçki Komissiyasının 11 fevral tarixli qərarı ilə bağlı şikayətimizin əsassız olduğu haqda qərar çıxardıb", - bazar ertəsi Trend -a Demokratiya Uğrunda İttifaqda təmsil olunan Böyük Azərbaycan Partiyasının (BAP) sədri Elşad Musayev bildirib.
Тrеnd Nеws-un arayışı: Təşviqat qrupları fevralın 18-dən etibarən təbliğat kampaniyasına start verəcəklər. Referendumla bağlı qəbul olunmuş təqvim planına əsasən, təbliğat kampaniyası martın 16-da saat 24:00-da başa çatdırılmalıdır.
Martın 18-də Azərbaycanda ölkə Konstitusiyasına əlavə və dəyişikliklərin edilməsi üzrə referendum keçiriləcək.
Referendum üzrə "Yeni Azərbaycan", "Şəhər", "Tərəqqi", "Hüquq və demokratiya", "Vətəndaş Cəmiyyəti", "Davamlı İnkişaf Naminə", "Zəka", "Qarabağ və Respublika Uğrunda Hərəkat" və "Respublikaçılar" təşəbbüs qrupları MSK-da təşviqat qrupları kimi qeydiyyata alınıblar. "Abad kənd", "Azad söz", "Azərbaycan Xalq Cümhuriyyəti" və "Milli İstiqlal" təşəbbüs qrupları qeydiyyatdan keçməyib.
Azərbaycan Konstitusiyası 1995-ci ildə qəbul olunub, 2002-ci ildə Əsas Qanuna dəyişikliklər edilib.
Musayevin sözlərinə görə, "Azərbaycan Xalq Cümhuriyyəti" təşviqat qrupunun Mərkəzi Seçki Komissiyasında qeydiyyata alınmasından imtina edilməsi ilə bağlı şikayət qrupun səlahiyyətli nümayəndəsi Bəybala Əbil tərəfindən MSK məhkəməyə verilib. "Təşviqat qrupunun qeydiyyata alınması üçün imza toplayan şəxslər heç bir yanlışlığa yol vermədikləırini bildiriblər. Lakin nə MSK-nın nümayəndəsi, nə də ekspertləri imzaların saxta olması haqda verdikləri rəyləri əsaslandıra bilməyiblər", - DUİ-i təmsilçisi əlavə edib.
BAP sədri Bakı Apellyasiya Məhkəməsinin qərarı ilə bağlı Ali Məhkəməyə şikayət edəcəklərini deyib.
Dеmоkrаtiyа Uğrunda İttifаqı 2005-ci il parlamеnt seçkisindən sonra müxalifətçi Klassık Xalq Cəbhəsi, Azadlıq və Milli Demokratiya partiyaları yаrаdıb. 2008-ci il sеntyаbrın əvvəllərində Böyük Azərbаycаn, nоyаbr аyındа isə Хаlq pаrtiyаlаrı DUİ-yə üzv qəbul оlunub. İttifаq bu pаrtiyaların məşvərət və əməkdaşlıq qurumudur.
Məqalə müəllifi ilə əlaqə ünvanı:[email protected]
