Iran, Tehran, 02 mart / Trend , müxbir A.Namdari /
" İranın İnterpola 15 İsrail rəsmisinin həbsi ilə bağlı müraciəti simvolik müraciət deyil", - İran parlamentinin Təhlükəsizlik Komisiyasının üzvləri Trend -a bildiriblər.
Tehran şəhər prokroru Səid Murtəzəvi marın 1-də bildirib ki, İran İnterpola İsrailin 15 rəsmisinə qarşı Qəzzəyə hücum zamanı törətdikləri hərbi cinayətlərə görə həbs qətiimkan tədbirləri görülməsi ilə bağlı müraciət edib.
"İran parlament nümayəndələri bu ölkənin Ədliyyə Nazirliyinin İsrail rəsmilərinə qarşı irəli sürdüyü ittihamı dəstəkləyir və bu, simvolik bir hərəkət deyil", - deyə İran parlamentinin Milli Təhlükəsizlik Komissiyasının üzvi Əvəz Heydərpur bazar ertəsi Trend -a bildirib.
O əlavə edib ki, İsrail Qəzzədə hərbi cinayətlər törədib və həmin şəxslər bu məsələ ilə bağlı məhkəmə qarşısında cavab verməlidirlər.
"İranın Ədliyyə Nazirliyinin İsrail rəsmilərinə qarşı irəli sürdüyü ittihamı dəstəkləyirəm və bu məsələnin beynəlxalq qurumlar tərəfindən davamlı dəstəklənməsini istəyirəm", - deyə İran parlamentinin Milli Təhlükəsizlik Komissiyasının digər üzvi Məhəmmədkərim Abidi bazar ertəsi Trend -a bildirib.
O əlavə edib ki, İran parlamenti ədliyyə nazirini bu məsələdə dəstəkləyir və İsrail rəsmilərinə qarşı cinayət işinin beynəlxalq qurumlar tərəfindən dəstəklənməsinə də çalışacaq.
Tehran şəhər prokuroru Səid Murtəzəvi bildirib ki, İnterpoldan İsralin 15 rəsmisinin "Hərbi cinayətkar" kimi tanınaraq, barələrində həbs qətimkan tədbirlərinin görülməsi istənilib və onun sözlərinə görə, İnterpol dünyanın 180 ölkəsinə bildiriş göndərərək, bu cinayətkarların həbs olunmasını tələb edib.
O bildirib ki, Tehran şəhər prokurorluğu 15 İsrail rəsmisi ilə bağlı "Qırmızı Xəbərdarlıq" verilməsi istəyini İnterpola təqdim edib. Murtəzəvi deyib ki, daha 100 israilli "cinayətkar" ilə bağlı araşdırmalar davam edir.
Tehran şəhər prokurorluğu Qəzzədə "hərbi cinayətlər törətdiyinə" görə 34 İsrail rəsmisinə və eləcə də hərbi əməliyyatlarda iştirak etmiş 115 nəfərə qarşı cinayət işi açıb.
