Gürcüstan, Tbilisi, 06 avqust / Trend , müxbir N.Kirsxaliya /
Gürcüstanda münaqişənin ildönümü ilə əlaqədar vəziyyət ABŞ-ın Dövlət Departamentinin xüsusi nümayəndəsi Deniel Frid və Gürcüstanın Təhlükəsizlik Şurasının katibi Ekaterina Tkeşelaşvili arasında keçirilən görüşdə müzakirə edilib.
"ABŞ və Gürcüstan arasında sıx əməkdaşlıq məsələsi müzakirə edildi", - görüşdən sonra Tkeşelaşvili bildirib. O, ABŞ-ın dəstəyinə xüsusi diqqət ayırıb.
"Vəziyyətin stabilləşməsi məqsədilə ABŞ-ın reaksiyası ani idi", - deyə Tkeşelaşvili bildirib.
Tanınmamış Cənubi Osetiya Respublikası ərazisində hərbi əməliyyatlar ötən ilin avqustun 8-də başlayıb. Gürcüstan Silahlı Qüvvələri Cənubi Osetiyanın paytaxtı Sxinvaliyə daxil olduqdan sonra Rusiya hərbçiləri şəhəri tutur və gürcü qüvvələrini sıxışdıraraq Gürcüstan ərazisinə çəkilməyə məcbur edirlər. Rusiya avqustun 26-da rəsmən Gürcüstanın tərkibinə daxil olan Abxaziyanın və Cənubi Osetiyanın müstəqilliyini tanıyıb və sentyabrın 9-da onlarla diplomatik münasibətlər qurub.
Məqalə müəllifi ilə əlaqə ünvanı: [email protected]